Systemau gwresogi cymwys
Systemau gwresogi cymwys
Er mwyn gwneud cais am RHI Domestig, mae angen i'ch system gwresogi adnewyddadwy fod yn un o'r pedwar o fathau o dechnoleg sy'n gymwys ar gyfer y cynllun. Mae'n rhaid iddo hefyd fodloni gofynion technegol penodol a darparu gwres ar gyfer defnydd a ganiateir.
Pa dechnolegau adnewyddadwy sy'n gymwys?
Ceir pedwar math o dechnoleg adnewyddadwy cymwys. Mae'r rhain fel a ganlyn:
- boeleri biomas yn unig, a ffyrnau peledi biomas
- pympiau gwres o'r aer
- pympiau gwres o'r ddaear
- plât gwastad a phaneli solar thermol tiwb gwacáu
Gwirio eich cynnyrch
Yn ogystal â bod yn un o'r pedwar math o dechnoleg cymwys, dylech wirio bod math a model eich cynnyrch yn ymddangos ar y Rhestr o Gynnyrch Cymwys (PEL).
Cynhyrchion sydd 'i'w penderfynu' ar y Rhestr o Gynnyrch Cymwys:
Os yw eich system wresogi o dan y pennawd 'i'w benderfynu' ar y Rhestr o Gynnyrch Cymwys, golyga hyn nad ydym eto wedi derbyn yr holl wybodaeth sydd ei hangen arnom gan wneuthurwyr y cynnyrch. Gweler ein tudalen cyhoeddiadau Rhestr o Gynnyrch Cymwys am ragor o wybodaeth am yr hyn y mae angen i chi ei wneud.
Gwirio'r defnydd o'r gwres
Fe welwch o'r tabl isod bod cyfyngiadau ar yr hyn y gellir defnyddio'r gwres a gynhyrchir ar ei gyfer.
Sylwch
Noder, mae'n rhaid i wresogi gofod gael ei gynhyrchu drwy gyfrwng hylif, fel rheiddiadur. Gwresogi dŵr poeth at ddibenion domestig yn unig.
I gael rhagor o wybodaeth am y math o system wresogi, darllenwch Adran 3, 'Gofynion ar gyfer systemau gwresogi' yn ein Canllaw Hanfodol i Ymgeiswyr.