Newid eich mesurydd trydan Radio Teleswitch
Dysgwch am yr hyn sydd angen i chi ei wneud cyn i'r gefnogaeth ar gyfer mesuryddion Gwasanaeth Radio Teleswitch (RTS) gael ei diffodd yn 2025.
Bydd y dechnoleg sy'n cefnogi mesuryddion trydan RTS yn cael ei diffodd ar 30 Mehefin 2025. Heb y dechnoleg i roi gwybod i fesuryddion RTS pryd i newid rhwng cyfraddau brig ac allfrig, efallai na fyddant yn gweithio'n iawn mwyach, a gall hynny olygu na fydd cyflenwad gwres a dŵr poeth y defnyddiwr yn gweithio yn ôl yr arfer.
Os oes gennych fesurydd RTS, bydd eich cyflenwr trydan yn cysylltu â chi i drefnu i'w uwchraddio i fesurydd deallus cyn y dyddiad hwn.
Rhaid iddynt sicrhau bod gennych fesurydd addas ac na fydd unrhyw darfu ar eich gwasanaeth.
Rydym yn disgwyl i gyflenwyr trydan newid pob mesurydd RTS cyn i dechnoleg y Gwasanaeth Radio Teleswitch ddod i ben.
Dyma'r cyflwynydd teledu, Lorraine Kelly, yn esbonio sut y gallwch nodi os oes gennych fesurydd Radio Teleswitch (RTS) a'r camau y dylech eu cymryd i uwchraddio eich mesurydd.
Cefnogaeth i uwchraddio mesuryddion trydan RTS
Rydym yn cydweithio â chyflenwyr trydan, gweithredwyr rhwydweithiau dosbarthu, grwpiau defnyddwyr ac eraill fel rhan o'r Tasglu RTS i gefnogi pobl sydd â mesurydd RTS. Darllenwch ragor o wybodaeth am y Tasglu RTS.
Os oes gennych fesurydd RTS, bydd eich cyflenwr trydan yn cysylltu â chi er mwyn trefnu apwyntiad i uwchraddio eich mesurydd trydan. Dylech drefnu apwyntiad i uwchraddio eich mesurydd i osgoi colli gwres neu ddŵr poeth ar ôl 30 Mehefin 2025.
Dysgwch a oes gennych fesurydd RTS
Gallai fod gennych fesurydd RTS:
- os oes gan eich cartref flwch switshis ar wahân wrth ymyl eich mesurydd sydd â label Radio Teleswitch arno
- os caiff eich cartref ei gynhesu drwy ddefnyddio gwresogyddion trydan neu stôr
- os nad oes cyflenwad nwy i'ch ardal, gan gynnwys tai mewn ardaloedd gwledig a blociau fflatiau uchel iawn
- os ydych yn cael trydan rhatach ar adegau gwahanol o'r dydd, er enghraifft, mae'n bosibl eich bod ar dariff Economy 7, Economy 10, neu dariff Total Heat Total Control
Cysylltwch â'ch cyflenwr trydan os nad ydych yn siŵr o hyd pa fesurydd sydd yn eich cartref.
Cysylltwch â'ch cyflenwr ynni i uwchraddio eich mesurydd RTS
Os oes gennych fesurydd RTS yn eich cartref, darllenwch y manylion ar wefan eich cyflenwr ynni i uwchraddio eich mesurydd.
- Octopus
- SSE
- Nwy Prydain
- Ovo
- Scottish Power
- E
- E.On Next
- Ecotricity
- EDF Energy
- So Energy
- Utilita
- Outfox the Market
- Good Energy
- Sainsbury’s Energy
- Utility Warehouse
Os ydych yn rhedeg busnes sy'n defnyddio mesurydd RTS, gweler y manylion ar wefan eich cyflenwr ynni i uwchraddio eich mesurydd.
- Octopus
- Yu Energy
- Nwy Prydain
- Bryt Energy
- Clear Business Energy
- Pozetive
- Corona Energy
- Crown Gas and Power
- DENERGi
- Drax Energy Solutions
- E.On Next
- Ecotricity
- EDF Energy
- Good Energy
- Shell Energy
- Npower Business Solutions
- Opus Energy
- Pozetive
- Regent Gas
- Scottish Power
- SEFE Energy
- Simple Gas
- SSE Energy Solutions
- Total Energies Gas and Power
- United Gas and Power
- Utilita Energy
- Utility Warehouse
- Yorkshire Gas and Power
Os nad ydych yn gwybod pwy yw eich cyflenwr, dilynwch y camau ar ein tudalen canfod eich cyflenwr ynni.
Uwchraddio i fesurydd deallus
Bydd mesurydd deallus yn rhoi gwasanaeth sy'n debyg i'ch mesurydd RTS. Mae manteision eraill hefyd, gan gynnwys:
- darlleniadau trydan yn cael eu cyflwyno'n awtomatig
- tariffau ar gyfer 'mesuryddion deallus yn unig'
- y gallu i fonitro faint o ynni rydych yn ei ddefnyddio
- biliau cywir yn seiliedig ar y trydan rydych wedi'i ddefnyddio, nid amcangyfrifon
Darllenwch fwy am gael mesurydd deallus.
Os na allwch uwchraddio
Mewn rhai achosion, efallai na all eich cyflenwr gynnig mesurydd deallus i chi ar hyn o bryd.
Yn yr achos hwn, bydd yn rhaid iddynt sicrhau bod gennych fesurydd addas ac nad oes unrhyw darfu ar eich gwasanaeth.
Dylech gysylltu â'ch cyflenwr i ddeall yr holl opsiynau sydd ar gael i chi.
Os nad ydych eisiau mesurydd deallus
Uwchraddio i fesurydd deallus yw'r dewis gorau i gwsmeriaid RTS. Os byddwch yn dewis peidio ag uwchraddio:
- gall eich gwres a'ch dŵr poeth gael eu gadael ymlaen neu i ffwrdd yn barhaus
- gall eich gwresogyddion stôr trydan wefru ar yr adeg anghywir o'r diwrnod, gan arwain at filiau uwch o bosibl
- efallai na fydd eich cyflenwr yn gallu cadarnhau eich defnydd o drydan yn ystod oriau brig ac allfrig, ac efallai y bydd eich costau trydan yn uwch nag o'r blaen
- bydd eich dewis o dariffau yn fwy cyfyngedig
Siaradwch â'ch cyflenwr i gael rhagor o wybodaeth.
Ceisiwch gyngor gan Gyngor ar Bopeth
Os ydych yn byw yng Nghymru neu yn Lloegr, gallwch gysylltu â Chyngor ar Bopeth i gael cyngor diduedd am ddim ar eich cyflenwad ynni.
Os ydych yn byw yn yr Alban, gallwch gael cyngor a gwybodaeth yn energyadvice.scot.