Ein harweinyddiaeth

Sut mae Ofgem yn cael ei redeg a phwy sy'n gwneud y penderfyniadau.

Ein bwrdd

Yr enw ar ein bwrdd yw'r Awdurdod Marchnadoedd Nwy a Thrydan (GEMA). Mae'n gyfrifol am y canlynol:

gosod ein strategaeth
goruchwylio'r ffordd rydym yn rheoleiddio'r diwydiant ynni
penderfynu ar flaenoriaethau polisi
ymdrin â materion rheoli a gorfodi
rhoi cyngor i adrannau Ofgem

Darllenwch grynodeb o bwerau a dyletswyddau cyfreithiol y bwrdd.

Caiff aelodau'r bwrdd eu dewis gan yr Ysgrifennydd Gwladol dros Ddiogeledd Ynni a Sero Net am gyfnod penodol o hyd at bum mlynedd. Mae'r aelodau'n cynnwys y cadeirydd a'r prif weithredwr, a gyflogir gan Ofgem, a chyfarwyddwyr anweithredol sydd â phrofiad helaeth o weithio yn y sector cyhoeddus a'r sector preifat.

Darllenwch y rheolau trefniadaeth sy'n disgrifio pa mor aml y mae'r bwrdd yn cwrdd a phwy y mae angen iddynt bod yn bresennol.

Gweler agendâu a chofnodion cyfarfodydd y bwrdd.

Aelodau'r bwrdd

Mark McAllister, Cadeirydd
Jonathan Brearley, Prif Weithredwr
Alena Kozakova, cyfarwyddwr anweithredol
Barry Panayi, cyfarwyddwr anweithredol
Graham Mather, cyfarwyddwr anweithredol
Nick Winser, cyfarwyddwr anweithredol
Jonathan Kini, cyfarwyddwr anweithredol
Tony Curzon Price, cyfarwyddwr anweithredol
Warren Buckley, cyfarwyddwr anweithredol

Er mai ein bwrdd sy'n gwneud y rhan fwyaf o'r penderfyniadau lefel uchel, gall uwch-arweinwyr ac is-bwyllgorau'r bwrdd hefyd wneud penderfyniadau lle y bo'n briodol.

Mae aelodau'r bwrdd a'r pwyllgor yn datgan unrhyw fuddiannau a all wrthdaro â'u dyletswyddau yn y gofrestr buddiannau. Gweler y rhestr o aelodau'r bwrdd a'r pwyllgorau a'u buddiannau.

Darllenwch y bywgraffiadau o ein bwrdd a chyfarwyddwyr.

Ein pwyllgorau

Mae gan yr uwch-arweinwyr a'r pwyllgorau y pŵer i wneud penderfyniadau penodol ar ran y bwrdd.

Yr Uwch-bwyllgor Gweithredol

Mae ein Huwch-bwyllgor Gweithredol yn rheoli ein cyfeiriad a'n perfformiad fel sefydliad. Aelodau'r pwyllgor yw:

Jonathan Brearley, Prif Weithredwr
Akshay Kaul, Cyfarwyddwr Cyffredinol ar gyfer Seilwaith
Melinda Johnson, Prif Swyddog Gweithredu
Neil Kenward, Cyfarwyddwr Strategaeth, Economeg, Ymchwil a Sero Net
Neil Lawrence, Cyfarwyddwr Cyflawni a Chynlluniau
Priya Brahmbhatt-Patel, Cyfarwyddwr Cyfathrebu
Sinead Murray, Cwnsler Cyffredinol
Tim Jarvis, Cyfarwyddwr Cyffredinol ar gyfer Marchnadoedd

Y Pwyllgor Archwilio a Sicrwydd Risg

Mae'r Pwyllgor Archwilio a Sicrwydd Risg yn monitro ac yn rhoi sicrwydd am archwiliadau, risg, rheolaeth ariannol a rheolaeth fewnol y sefydliad.

Y Pwyllgor Pobl a Chydnabyddiaeth

Mae'r Pwyllgor Pobl a Chydnabyddiaeth yn gwneud penderfyniadau mewn perthynas â phobl, tâl a strategaeth y gweithlu.

Y Pwyllgor Setliadau Gorfodi

Mae'r Pwyllgor Setliadau yn gwneud penderfyniadau am achosion gorfodi sydd wedi'u setlo. Er enghraifft, pan fydd cwmni yn cytuno ei fod wedi torri'r rheolau yn ei drwydded ac y dylai dalu'r gosb a roddwyd.

Y Panel Penderfyniadau Gorfodi

Mae'r Panel Penderfyniadau Gorfodi yn gwneud penderfyniadau am achosion gorfodi sydd wedi'u herio. Er enghraifft, os na fydd cwmni yn cytuno ei fod wedi torri'r rheolau yn ei drwydded neu os bydd y gosb a osodwyd yn rhy uchel.

Y Pwyllgor Awdurdod ar gyfer RIIO-3 ac ED3

Mae'r pwyllgor yn rhoi arweiniad i raglenni fframwaith RIIO-3 (trawsyrru nwy, dosbarthu nwy a thrawsyrru trydan) ac ED3 (dosbarthu trydan). Mae'n cynghori GEMA cyn iddo wneud penderfyniadau mewn perthynas â'r ddwy raglen.