Canfod eich cyflenwr ynni neu weithredwr rhwydwaith

Gallwch ddod o hyd i fanylion cyswllt ar gyfer eich cyflenwr ynni presennol ar fil ynni diweddar. Mewngofnodwch i'ch cyfrif ar-lein os nad ydych yn cael biliau papur.

Gallwch hefyd ddefnyddio'r gwasanaethau isod.

Mae cwmnïau gwahanol (‘gweithredwyr rhwydwaith’) yn rhedeg meysydd o'r rhwydwaith ynni.

Mae rhai cwmnïau annibynnol hefyd yn berchen ar feysydd o'r rhwydwaith a gaiff eu rhedeg gan weithredwyr lleol eraill. Fel arfer, maent yn cysylltu prosiectau tai a masnachol newydd â'r rhwydwaith.

Pwy yw fy ngweithredwr rhwydwaith?

• Defnyddiwch gyfleuster chwilio'r Gymdeithas Rhwydweithiau Ynni i ganfod eich gweithredwr rhwydwaith gan ddefnyddio eich cod post.
• Defnyddiwch restr darparwyr cofrestr Lloyds i ganfod gweithredwyr annibynnol.

Mae gweithredwyr rhwydwaith yn wahanol i gyflenwyr ynni. Maent yn berchen ar y pibellau a'r gwifrau sy'n cludo nwy a thrydan ac yn eu rhedeg.

Ceir dau fath: 

• Gweithredwyr rhwydweithiau trawsyrru. Maent yn berchen ar y rhwydwaith pwysedd a foltedd uchel sy'n trawsyrru ynni ledled y wlad o'r man y caiff ei gynhyrchu ac yn ei redeg.
• Gweithredwyr rhwydweithiau dosbarthu. Maent yn berchen ar y rhwydwaith ‘dosbarthu’ lleol ac yn ei redeg. Maent yn dod ag ynni i gartrefi a busnesau ar bwysedd a foltedd is o'r rhwydwaith trawsyrru.