Cyfraddau fesul uned y cap ar brisiau ynni a thaliadau sefydlog

Y cap o brisiau ynni ar gyfer 1 Ebrill i 30 Mehefin 2026

O 1 Ebrill i 30 Mehefin 2026, £1,641 y flwyddyn fydd y cap ar brisiau. Mae hyn wedi gostwng £117 o gymharu â chyfnod y cap ar brisiau diwethaf.

Mae'r ffigur hwn yn seiliedig ar y gyfradd fesul uned o ynni gyfartalog a'r tâl sefydlog cyfartalog ar gyfer y bobl sy'n talu drwy Ddebyd Uniongyrchol yng Nghymru, Lloegr a'r Alban.

Prisiau fesul uned a thaliadau sefydlog trydan a nwy ar gyfartaledd drwy Ddebyd Uniongyrchol

Caiff y ffigurau eu talgrynnu i ddau le degol ac maent yn cynnwys TAW o 5%.  

Darganfyddwch beth yw'r cap ar brisiau a sut mae'n cael ei gyfrifo.

Dyddiadau lefel y cap ar brisiau ynni

Rydym yn adolygu ac yn diweddaru lefel y cap ar brisiau ynni bob tri mis. Bydd y lefelau ar gyfer y cyfnodau nesaf yn cael eu cyhoeddi erbyn:

• 27 Mai 2026 – cyfnod o 1 Gorffennaf 2026 i 30 Medi 2026
• 26 Awst 2026 – cyfnod o 1 Hydref 2026 i 31 Rhagfyr 2026
• 25 Tachwedd 2026 – cyfnod o 1 Ionawr 2027 i 31 Mawrth 2027

Tariffau trydan cyfradd sengl ac aml-gyfradd

Os byddwch chi'n talu'r un gyfradd fesul uned am eich trydan drwy gydol y diwrnod cyfan, tariff cyfradd sengl yw'r enw ar hyn.

Ar gyfer tariffau aml-gyfradd fel Economy 7, byddwch yn talu un gyfradd fesul uned yn ystod oriau brig a chyfradd fesul uned wahanol yn ystod oriau allfrig. Gyda'i gilydd, ni allant fod yn fwy na'r cap ar brisiau. Darllenwch ein canllawiau ynghylch tariff Economy 7.

Pam mae taliadau sefydlog yn wahanol yn dibynnu ar ble rydych chi'n byw

Bydd y tâl sefydlog yn wahanol yn dibynnu ar ble rydych chi'n byw. Caiff ei gyfrifo yn seiliedig ar y canlynol:

• faint o bobl sy'n byw yn eich rhanbarth
• faint o ynni sy'n cael ei ddefnyddio yn eich rhanbarth ar gyfartaledd
• faint o ynni y mae angen i'r cyflenwr ei brynu
• cost adeiladu a gwella'r rhwydwaith ynni

Dewch o hyd i'r cyfraddau fesul uned a'r taliadau sefydlog ar gyfer eich rhanbarth

Bydd eich cyfradd fesul uned a'ch tâl sefydlog dyddiol yn wahanol yn seiliedig ar ble rydych chi'n byw ac os ydych chi'n talu eich biliau drwy:

• gredyd safonol (talu pan fyddwch yn cael eich bil)
• Debyd Uniongyrchol (codi'r taliad yn awtomatig o'ch cyfrif ar ddyddiad penodol)
• mesurydd rhagdalu (prynu credyd ar gyfer eich mesurydd i dalu am yr ynni rydych chi'n ei ddefnyddio)

Cael data o'r tablau ar y dudalen hon 

Gallwch lawrlwytho data o'r tabl mewn fformatau gwahanol drwy ddewis y ddewislen wrth ymyl pob tabl.

Gallwch chwilio am eich rhanbarth ym mhob tabl.

Taliadau sefydlog a chyfraddau fesul uned a delir drwy Ddebyd Uniongyrchol, 1 Ebrill i 30 Mehefin 2026 

Pobl sy'n talu drwy Ddebyd Uniongyrchol am yr ynni y maent yn ei ddefnyddio. Mae'r prisiau yn cynnwys TAW ac maent wedi'u talgrynnu i ddau le degol. 

Taliadau sefydlog a chyfraddau fesul uned a delir drwy gredyd safonol, 1 Ebrill i 30 Mehefin 2026

Pobl sy'n talu am yr ynni maent eisoes wedi'i ddefnyddio wedi iddynt gael eu bil. Mae'r prisiau yn cynnwys TAW ac maent wedi'u talgrynnu i ddau le degol.  

Taliadau sefydlog a chyfraddau fesul uned a delir drwy fesurydd rhagdalu, 1 Ebrill i 30 Mehefin 2026

Pobl sydd â mesurydd rhagdalu wedi'i osod yn eu cartref ac sy'n talu am ynni cyn iddynt ei ddefnyddio. Mae'r prisiau yn cynnwys TAW ac maent wedi'u talgrynnu i ddau le degol.