Cwestiynau cyffredin am wneud cais am swyddi a'r broses recriwtio

Fel arfer, dim ond gwladolion o'r gwledydd canlynol (a chysylltiadau gwledydd) sy'n gymwys i gael eu cyflogi fel rhan o Wasanaeth Sifil y DU: y Deyrnas Unedig, Gweriniaeth Iwerddon, y Gymanwlad, yr AAE, y Swistir a Thwrci. Mae rhai aelodau penodol o deulu gwladolion o'r AAE, y Swistir a Thwrci hefyd yn gymwys ni waeth beth fo'u cenedligrwydd. Rhaid i ymgeiswyr o'r Gymanwlad fod yn rhydd o unrhyw gyfyngiad i ymgymryd â chyflogaeth yn y DU. Ceir manylion llawn yn Rheolau Gwasanaeth Sifil y DU ar Genedligrwydd. 

Yn anffodus, oherwydd cyfyngiadau amser a'r angen i lenwi rolau ar unwaith, rhaid cadw'n gaeth at y dyddiadau a'r amseroedd cau ac ni allwn dderbyn ceisiadau a gyflwynir yn hwyr. 

Bydd pob ymgeisydd yn cael cadarnhad bod ei gais wedi'i dderbyn, o fewn 24 awr ar gyfer ceisiadau a gyflwynir yn electronig ac o fewn 48 awr ar gyfer ceisiadau a anfonir drwy'r post.

Ein nod yw hysbysu pob ymgeisydd llwyddiannus ac aflwyddiannus o fewn tair wythnos i'r dyddiad cau. Fodd bynnag, nid yw hyn bob amser yn bosibl, ond peidiwch â chysylltu â'n swyddfeydd ar y cam hwn, oherwydd caiff pob ymgeisydd ei hysbysu cyn gynted ag y bydd penderfyniad wedi'i wneud. Os bydd oedi sylweddol, cysylltir â'r ymgeiswyr i'w hysbysu am y sefyllfa.

Yn anffodus, oherwydd cyfyngiadau amser, ni allwn gynnig dyddiadau amgen ar gyfer cyfweliadau. 

Ein nod yw hysbysu pob ymgeisydd llwyddiannus ac aflwyddiannus o fewn pythefnos i'r cyfweliad. Fodd bynnag, nid yw hyn bob amser yn bosibl, ond peidiwch â chysylltu â ni ar y cam hwn, oherwydd caiff pob ymgeisydd ei hysbysu cyn gynted ag y bydd penderfyniad wedi'i wneud. Os bydd oedi sylweddol, cysylltir â'r ymgeiswyr i'w hysbysu am y sefyllfa. 

Yn anffodus, ni allwn ad-dalu treuliau teithio.

Os nad oes gennych basbort na bil cyfleustod, dewch â chopïau gwreiddiol o ddogfennaeth arall (un sy'n cynnwys ffotograff), sy'n cadarnhau eich enw a'ch cyfeiriad, e.e. trwydded yrru, cyfriflen banc neu gerdyn credyd ac ati.

At ddibenion Cyfraith Cyflogaeth, ni dderbynnir copïau. Rhaid i chi ddod â'r dogfennau gwreiddiol gyda chi. Nodwch na fydd yn ofynnol i chi eu gadael gyda ni.  Bydd angen i ni gadarnhau bod eich cenedligrwydd a'ch hawl i weithio yn y DU yn bodloni ein gofynion cyn y gellir cynnig cyflogaeth.

Hysbyswch ni ystod y cam cyfweld os na allwch ddarparu dogfennaeth addysgol mewn pryd, ond byddwch yn ymwybodol y bydd yn ofynnol i chi ddarparu'r ddogfennaeth os byddwch yn llwyddiannus. 

Yn anffodus, oherwydd y nifer mawr o geisiadau ni allwn roi adborth i'r ymgeiswyr hynny nad ydynt yn cyrraedd y cam cyfweld. Gall ymgeiswyr sydd wedi cael cyfweliad ofyn am adborth drwy gysylltu â'n tîm recriwtio yn recruitment@ofgem.gov.uk Rhaid i chi gynnwys teitl y swydd a chyfeirnod y rôl y cawsoch eich cyfweld ar ei chyfer.

Ie.

Er mwyn sicrhau proses gyson ac er mwyn bod yn deg i bawb, gofynnwn i bob ymgeisydd gwblhau Datganiad Addasrwydd. Nodir hyn yn glir ac ni chaiff ceisiadau mewn fformatau eraill eu hystyried. Os oes gennych anabledd a bod angen i chi ddefnyddio dull gwahanol o wneud cais am y rôl, yna cysylltwch â'n tîm recriwtio ar recruitment@ofgem.gov.uk fel y gallwn addasu ein proses ar eich cyfer. 

Bydd panel sifftio yn edrych yn fanwl i weld sut rydych yn bodloni'r meini prawf hanfodol a dymunol ar gyfer pob rôl. Ceir gwybodaeth am y meini prawf perthnasol ym Mhroffil y Rôl, sydd yn y Pecyn i Ymgeiswyr. Yna, penderfynir pa ymgeiswyr a gaiff eu gwahodd i gael cyfweliad. 

Mae'r cymwyseddau wedi'u cadw fel ffeiliau PDF ac maent wedi'u rhestru wrth ymyl swydd wag benodol ar y wefan. 

Enghreifftiau o'ch gwaith, eich addysg, eich profiadau cymdeithasol neu feysydd eraill o'ch bywyd sy'n dangos sut rydych yn bodloni'r hyn sy'n ofynnol. 

Yn ystod y broses recriwtio, cewch wybod a fyddem yn hoffi ychwanegu eich cais at ein Cronfa Dalent i'w ystyried ar gyfer rolau eraill. Unwaith i chi gadarnhau eich bod am gael eich ystyried, byddwn yn cysylltu â chi pan fydd cyfleoedd eraill yn codi. Gallwch hefyd barhau i wneud cais am swyddi gwag eraill wrth iddynt gael eu hysbysebu ar y wefan.

Os na fyddwn wedi cysylltu â chi, gallwch dybio y bydd angen i chi gadw llygad am hysbysebion ar gyfer rolau eraill a gwneud cais yn y ffordd arferol.

Ceir proses fewnol lem ar gyfer hysbysebu rolau yn allanol a bydd yr Uwch-dîm Rheoli yn penderfynu ar y llwybr mwyaf priodol i'w gymryd. Gellir penderfynu hysbysebu'n allanol os cafwyd anawsterau wrth recriwtio yn y gorffennol, os yw'r rôl yn un hynod dechnegol neu os oes angen ei llenwi ar frys. 

Caiff.

Bydd pob cyfweliad ar ffurf panel, yn seiliedig ar gymwyseddau ac yn para tua awr fel arfer. Anfonir manylion llawn am amser, hyd a lleoliad y cyfweliad, unrhyw waith paratoi a ddisgwylir ar ei gyfer ac unrhyw brofion a gynhelir at yr ymgeiswyr a gaiff eu gwahodd i gael cyfweliad. 

Bydd hyn yn dibynnu ar y panel a sawl ymgeisydd a gaiff gyfweliad, dros sawl diwrnod y caiff y cyfweliadau eu cynnal ac ansawdd yr ymgeiswyr. Ein dull gweithredu cyffredinol yw cynnig y rôl i'r ymgeisydd llwyddiannus cyn gwrthod unrhyw un. Mewn rhai achosion gall hyn olygu y bydd y broses yn cael ei hoedi ac y byddwch yn gorfod aros yn hirach na'r disgwyl cyn cael unrhyw newyddion. Y rheswm dros hyn yw bod gennym Gronfa Dalent ar waith a'n bod bob amser yn hoffi sicrhau bod yr ymgeisydd a ffafrir wedi derbyn y swydd cyn i ni wrthod unrhyw un. 

Mae'r broses wedi'i chynllunio i fod yn gadarn ac yn gyson, gan roi cyfle cyfartal i bob ymgeisydd gyflwyno ei achos o ran bod yn addas ar gyfer y rôl. Caiff ymgeisydd ei asesu yn erbyn y gofynion allweddol ar gyfer y rôl a'r cymwyseddau craidd – cynigir y swydd i'r ymgeisydd mwyaf addas, ni waeth a yw'n ymgeisydd mewnol neu allanol.

I gael rhagor o wybodaeth amdanom ni, a'r gwaith a wnawn, ewch i'n gwefan.

No, there is no right to appeal against decisions made through the selection process.  We operate our processes in line with the Civil Service Commissioners’ Recruitment Principles where appointment is open, fair and on merit.

Nac oes, nid oes unrhyw hawl i apelio yn erbyn penderfyniadau a wneir drwy'r broses ddethol.  Rydym yn gweithredu ein prosesau yn unol ag Egwyddorion Recriwtio Comisiynwyr y Gwasanaeth Sifil lle mae prosesau penodi yn agored, yn deg ac yn digwydd yn ôl teilyngdod.

Mae gan y Comisiwn ddwy brif swyddogaeth:

Y swyddogaeth gyntaf yw cynnal yr egwyddor o ddethol ar gyfer penodi i'r Gwasanaeth Sifil yn ôl teilyngdod, ar sail cystadleuaeth agored a theg. Ar gyfer y rhan fwyaf o swyddi, mae'r Comisiwn yn cyflawni ei gyfrifoldebau drwy'r Egwyddorion Recriwtio sy'n llywodraethu'r broses recriwtio ac yn rhoi gofynion gorfodol ar adrannau. Mae'r rhain ar gael ar wefan comisiwn y Gwasanaeth Sifil. Ar gyfer y rhan fwyaf o uwch-swyddi yn y Gwasanaeth Sifil, bydd Comisiynydd yn cadeirio'r broses ar gyfer y gystadleuaeth recriwtio yn cynnwys y panel dethol terfynol.

Os bydd ymgeiswyr o'r farn nad yw eu cais wedi'i drin yn unol â'r Egwyddorion a'u bod am wneud cwyn, dylent gysylltu ag Ofgem yn y lle cyntaf. Os na fyddant yn fodlon ar yr ymateb a geir gan Ofgem, gellir anfon apeliadau i Gomisiwn y Gwasanaeth Sifil yn info@csc.gsi.gov.uk.

Ail swyddogaeth y Comisiwn yw hyrwyddo dealltwriaeth o God y Gwasanaeth Sifil sy'n nodi'r fframwaith cyfansoddiadol y mae pob gwas sifil yn gweithio o'i fewn a'r gwerthoedd y disgwylir iddynt eu harfer, a chlywed a phennu apeliadau a wneir oddi tano. Ceir copïau o'r dogfennau ar wefan comisiwn y Gwasanaeth Sifil neu gellir cael copi caled o: Civil Service Commission, Room G/8, 1 Horse Guards Road, London SW1A 2HQ

Ceir copi o God y Gwasanaeth Sifil ar wefan y Gwasanaeth Sifil.