Beth fydd yn digwydd os bydd eich cyflenwr ynni yn mynd i'r wal

Na fydd.

Byddwn yn eich symud i gyflenwr newydd.Ni fydd unrhyw beth yn tarfu ar eich cyflenwad ynni. Mewn gwirionedd, ni fyddwch yn sylwi ar unrhyw newid, heblaw am y ffaith bod cyflenwr newydd wedi'i benodi ar eich cyfer.

Ein cyngor yw y dylech gymryd darlleniad mesurydd. Peidiwch â gwneud unrhyw beth nes i ni benodi cyflenwr newydd ac iddo gysylltu â chi.

Bydd Ofgem yn dewis eich cyflenwr newydd, ar ôl proses gystadleuol i ddod o hyd i'r cynnig gorau i chi.

Mewn amgylchiadau eithriadol, mae'n bosibl y bydd Ofgem a'r llywodraeth yn penodi gweinyddwr i redeg eich cyflenwr os bydd mewn trafferth ariannol. Gelwir hyn yn Gyfundrefn Gweinyddu Arbennig (SAR).

Bydd y gweinyddwr yn sicrhau bod eich cyflenwr yn parhau i weithredu. Bydd yn edrych ar ffyrdd o achub y cyflenwr ac mae'n bosibl y bydd yn edrych ar ffyrdd o drosglwyddo cwsmeriaid i gyflenwr arall. Y peth pwysig i'w gofio yw na fydd tarfu ar eich cyflenwad ynni a chaiff unrhyw falans credyd sydd gennych ei ddiogelu.

Os bydd gweinyddwr yn cymryd drosodd eich cyflenwr

1. Nid oes angen i chi wneud dim - byddwch yn parhau i gael ynni gan eich cyflenwr a chaiff unrhyw falans credyd sydd gennych ei ddiogelu o hyd. Bydd eich cyflenwr yn cysylltu â chi i ddweud wrthych beth sy'n digwydd.

2. Peidiwch â chanslo eich debyd uniongyrchol – byddwch yn parhau i gael ynni a chael eich bilio amdano.

3. Nid oes angen i chi aros gyda'ch cyflenwr os na hoffech wneud hynny – gallwch chwilio am gyflenwr arall a newid i gynnig arall.

4. Rywbryd yn y dyfodol, mae'n bosibl y bydd y gweinyddwr yn cau eich cyflenwr ac yn eich symud i gyflenwr newydd. Os bydd hyn yn digwydd bydd yn rhoi gwybod i chi yn union be sy'n digwydd ymlaen llaw.

Eto, ni fydd tarfu ar eich cyflenwad a chaiff unrhyw falans credyd sydd gennych ei ddiogelu – ac ar ôl symud i'ch cyflenwr newydd byddech yn gallu chwilio am gyflenwr arall a newid os hoffech chi.

Byddwn yn penderfynu ar gyflenwr newydd cyn gynted â phosibl. Byddwn yn cyhoeddi'r manylion hyn ar ein gwefan ac ar y cyfryngau cymdeithasol.

Byddwn yn gofyn i gyflenwyr gyflwyno ceisiadau i dderbyn cwsmeriaid. Drwy wneud hynny, gallwn geisio cael y fargen orau bosibl i chi o dan yr amgylchiadau.

Ar ôl i ni ddewis y cyflenwr newydd, cewch eich symud i gontract newydd. Dim ond ychydig ddiwrnodau y dylai ei gymryd i benodi cyflenwr newydd.

Ein cyngor yw byddwch yn amyneddgar, peidiwch â newid cyflenwr ac arhoswch nes bod y cyflenwr newydd yn cysylltu â chi yn ystod y cyfnod hwn. Bydd hyn yn sicrhau bod y broses mor ddidrafferth â phosibl, ac y caiff unrhyw falans credyd a all fod gennych ei ad-dalu i chi.

Ar ôl i'r cyflenwr newydd gysylltu â chi, dylech ofyn iddo eich rhoi ar ei dariff rhataf neu chwiliwch am y fargen orau a newidiwch gyflenwr os byddwch am wneud hynny. Ni chodir ffioedd gadael arnoch.

Cewch eich trosglwyddo i gyflenwr newydd pan fyddwn yn ei benodi. Ni fydd unrhyw beth yn tarfu ar eich cyflenwad ynni.

Byddwn yn ceisio dod o hyd i gyflenwr a all roi'r fargen orau i chi o dan yr amgylchiadau. Os na all y cyflenwr newydd rydym yn ei ddewis weithredu eich mesurydd deallus yn y modd deallus, bydd yn parhau i weithio, ond fel mesurydd 'traddodiadol’.

Mae hynny'n golygu y bydd y cyflenwr newydd yn ei weithredu fel mesurydd traddodiadol. Bydd yn cymryd darlleniadau mesurydd â llaw.

Mae'n debygol y bydd eich mesurydd yn gallu gweithio yn y modd deallus eto yn y dyfodol. Er enghraifft, os byddwch yn dewis chwilio am dariff neu gyflenwr arall, neu pan fydd pob mesurydd wedi'i gofrestru ar y gwasanaeth cyfathrebu mesuryddion deallus cenedlaethol. 

Dylech allu ychwanegu credyd at eich mesurydd fel y byddech fel arfer wrth i ni benodi cyflenwr newydd ar eich cyfer. Ni ddylech golli cyflenwad.

Os byddwch yn cael trafferth ychwanegu credyd neu os na fydd eich cerdyn neu eich tocyn yn gweithio, gallwch gysylltu â Cyngor ar Bopeth, neu Advice Direct Scotland os ydych yn yr Alban.

Ar gyfer Cyngor ar Bopeth:

• Ffoniwch 0808 223 1133 neu defnyddiwch y cyfleuster gwe-sgwrs. 
• Ar gyfer ffôn testun, deialwch 18001 ac yna rif y llinell gymorth. 

Ar gyfer Advice Direct Scotland:

• Ffoniwch 0808 800 9060, defnyddiwch y cyfleuster gwe-sgwrs neu cysylltwch drwy e-bost.
• Gwybodaeth Iaith Arwyddion Prydain.

Os byddwch yn cael trafferth, gallwch gysylltu â Cyngor ar Bopeth, neu Advice Direct Scotland os ydych yn yr Alban.

Ar gyfer Cyngor ar Bopeth:

• Ffoniwch 0808 223 1133 neu defnyddiwch y cyfleuster gwe-sgwrs. 
• Ar gyfer ffôn testun, deialwch 18001 ac yna rif y llinell gymorth. 

Ar gyfer Advice Direct Scotland:

• Ffoniwch 0808 800 9060, defnyddiwch y cyfleuster gwe-sgwrs neu cysylltwch drwy e-bost.
• Gwybodaeth Iaith Arwyddion Prydain.

Os byddwch yn cael trafferth ychwanegu credyd neu os na fydd eich cerdyn neu eich tocyn yn gweithio tra ein bod yn penodi cyflenwr newydd, gallwch gysylltu â Cyngor ar Bopeth, neu Advice Direct Scotland os ydych yn yr Alban.

Ar gyfer Cyngor ar Bopeth:

• Ffoniwch 0808 223 1133 neu defnyddiwch y cyfleuster gwe-sgwrs. 
• Ar gyfer ffôn testun, deialwch 18001 ac yna rif y llinell gymorth. 

Ar gyfer Advice Direct Scotland:

• Ffoniwch 0808 800 9060, defnyddiwch y cyfleuster gwe-sgwrs neu cysylltwch drwy e-bost.
• Gwybodaeth Iaith Arwyddion Prydain.

Unwaith y byddwn wedi penodi cyflenwr newydd, bydd yn gallu eich cynghori a helpu gyda chardiau allwedd a thocynnau newydd ac ychwanegol.

Os ydych wedi defnyddio eich credyd brys ac na allwch ychwanegu credyd, cysylltwch â Cyngor ar Bopeth neu Advice Direct Scotland.

Os ydych yng Nghymru neu Loegr, gall Cyngor ar Bopeth helpu:

Ar gyfer Cyngor ar Bopeth:

• Ffoniwch 0808 223 1133 neu defnyddiwch y cyfleuster gwe-sgwrs. 
• Ar gyfer ffôn testun, deialwch 18001 ac yna rif y llinell gymorth. 

Ar gyfer Advice Direct Scotland:

• Ffoniwch 0808 800 9060, defnyddiwch y cyfleuster gwe-sgwrs neu cysylltwch drwy e-bost.
• Gwybodaeth Iaith Arwyddion Prydain.

Gallwch hefyd ddod o hyd i wybodaeth bellach am gynlluniau'r llywodraeth a chynlluniau elusennau, grantiau a budd-daliadau yn ein canllaw ar help gyda biliau ynni.

Bydd eich cyflenwr neu ei weinyddwr penodedig yn cysylltu â chi yn eich hen gyfeiriad. Efallai y byddwch am ystyried ailgyfeirio eich post os bydd hyn yn effeithio arnoch. 

Cymerwch ddarlleniad mesurydd ar gyfer eich hen eiddo a'ch eiddo newydd ar gyfer eich cofnodion. Bydd y cyflenwr newydd y byddwn yn ei benodi yn esbonio sut i dalu unrhyw falansau cyfrifon, gan gynnwys sut y bydd yn dychwelyd unrhyw arian a all fod yn ddyledus i chi os bydd eich cyfrif mewn credyd.

Os nad ydych yn siŵr pwy yw eich cyflenwr yn eich eiddo newydd, gweler ein Canllaw ar ganfod eich cyflenwr nwy neu drydan. Unwaith y byddwch yn gwybod pwy yw'r cyflenwr ar gyfer eich eiddo newydd, cysylltwch ag ef a gofynnwch am gael eich rhoi ar y tariff rhataf neu chwiliwch am gyflenwr arall a newidiwch gyflenwr os byddwch am wneud hynny. Ni chodir ffioedd gadael arnoch. Os yw'n gyflenwr sydd wedi ymadael â'r farchnad, arhoswch i'r cyflenwr newydd y byddwn yn ei benodi i fod yn gyfrifol am eich cyflenwad gysylltu â chi.

Mae hon yn adeg heriol yn y farchnad ynni a gwyddom efallai nad oes llawer o dariffau ar gael wrth chwilio ar hyn o bryd.

Pan fydd cwmni yn stopio masnachu, mae'n bosibl y bydd yn tynnu gwasanaethau ei wefan all-lein. Ein cyngor yw i chi gymryd darlleniad mesurydd ac aros nes i'r cyflenwr newydd gysylltu â chi. Caiff cofnodion eich cyfrif a ddelir gan eich hen gyflenwr eu trosglwyddo i'r cyflenwr newydd.

Bydd y cyflenwr newydd y byddwn yn ei benodi yn cadarnhau unrhyw falans credyd neu ddyled sydd gennych yn seiliedig ar y cofnodion hyn. Yna bydd yn esbonio beth fydd yn digwydd nesaf, gan gynnwys sut y byddwch yn cael balans cyfrif yn ôl neu'n ei dalu yn ôl.

Os na allwch gymryd darlleniad mesurydd oherwydd nad yw eich mesurydd yn gweithio, cysylltwch â Cyngor ar Bopeth (Cymru a Lloegr) neu Advice Direct Scotland.

Os yw'n anodd i chi gymryd darlleniad mesurydd eich hun, ceisiwch ofyn i rywun arall rydych yn ymddiried ynddo megis cymydog, aelod o'r teulu neu ffrind ddarllen y mesurydd ar eich rhan os gallwch chi.

Ar gyfer Cyngor ar Bopeth:

• Ffoniwch 0808 223 1133 neu defnyddiwch y cyfleuster gwe-sgwrs. 
• Ar gyfer ffôn testun, deialwch 18001 ac yna rif y llinell gymorth. 

Ar gyfer Advice Direct Scotland:

• Ffoniwch 0808 800 9060, defnyddiwch y cyfleuster gwe-sgwrs neu cysylltwch drwy e-bost.
• Gwybodaeth Iaith Arwyddion Prydain.

Byddwch.

Bydd eich hen dariff yn dod i ben.

Yn hytrach, bydd eich cyflenwr newydd yn eich rhoi ar gontract 'tybiedig' arbennig. Ystyr hyn yw contract nad ydych wedi'i ddewis. Bydd y contract hwn yn para cyhyd ag y byddwch yn ei ddymuno. 

Bydd eich cyflenwr newydd yn eich rhoi ar gontract 'tybiedig' arbennig. Ystyr hyn yw contract nad ydych wedi'i ddewis.

Gall contractau tybiedig fod yn ddrutach felly gallai eich biliau godi. Serch hynny, bydd Ofgem yn ceisio sicrhau'r fargen orau bosibl i chi os byddwch yn y sefyllfa hon.

Gall contractau tybiedig gostio mwy am fod y cyflenwr yn cymryd mwy o risg. Er enghraifft, gallai fod yn rhaid iddo brynu ynni cyfanwerthol ychwanegol ar fyr rybudd ar gyfer cwsmeriaid newydd. Felly, bydd yn codi costau uwch i wneud iawn am hyn.

Arhoswch i rywun gysylltu â chi er mwyn diogelu unrhyw falans credyd y gall fod gennych. Pan fydd rhywun yn cysylltu â chi, gofynnwch am gael eich rhoi ar y tariff rhataf neu chwiliwch am y fargen orau a newidiwch gyflenwr os byddwch am wneud hynny. Ni chodir ffioedd gadael arnoch.

Bydd eich cyflenwr newydd yn eich rhoi ar gontract 'tybiedig' arbennig. Ystyr hyn yw contract nad ydych wedi'i ddewis. Gall bara cyhyd ag y byddwch yn ei ddymuno.

Bydd eich cyflenwr newydd yn dweud wrthych beth fydd y gyfradd 'dybiedig' newydd. Daw'r gyfradd hon yn weithredol pan gaiff eich cyflenwad ei drosglwyddo. Ein nod yw gwneud penderfyniad ar y cyflenwr newydd cyn gynted â phosibl. Wrth ddewis cyflenwr newydd, byddwn yn ceisio cael y fargen orau bosibl i chi.

Pan fydd eich cyflenwr newydd wedi cysylltu â chi, gofynnwch iddo eich rhoi ar ei dariff rhataf. Yna, chwiliwch am y fargen orau a newidiwch gyflenwr os byddwch am wneud hynny. Ni chodir ffioedd gadael arnoch. 

Na ddylech.

Ein cyngor i chi yw peidio â newid cyflenwr, ond y dylech aros i'r cyflenwr newydd gysylltu â chi. Gall wedyn ddweud wrthych beth i'w wneud ynghylch unrhyw falansau credyd a allai fod gennych gyda'ch cyn-gyflenwr.

Gofynnwch i'r cyflenwr newydd eich rhoi ar ei dariff rhataf neu chwiliwch am y fargen orau a newidiwch gyflenwr os byddwch am wneud hynny. Ni chodir ffioedd gadael arnoch.

Nid oes angen i chi boeni. Os ydych wrthi'n newid cyflenwr, cewch eich symud i'r cyflenwr newydd rydych wedi'i ddewis. Ni ddylai fod angen i chi wneud dim.

Pan fydd y broses o newid cyflenwr wedi'i chwblhau, dylai eich debyd uniongyrchol â'ch cyn-gyflenwr gael ei ganslo. Mae'n bosibl y bydd arian yn ddyledus i chi hefyd os oedd eich cyfrif wedi cronni credyd gyda'r cyn-gyflenwr.

Os nad yw'r debyd uniongyrchol wedi'i ganslo, efallai y bydd angen i chi ei gau drwy eich banc.

Byddwn yn penodi cyflenwr a fydd yn ad-dalu'r arian sy'n ddyledus i chi o gyfrif sydd wedi'i gau.

Er y caiff cwsmeriaid eu trosglwyddo i'r cyflenwr newydd y bydd Ofgem yn ei benodi yn fuan ar ôl i'r cyflenwr sy'n methu gyhoeddi ei fod yn rhoi'r gorau i fasnachu, gall gymryd amser i hyn gael ei brosesu'n llawn ar systemau'r diwydiant ynni.

Felly, mae'n bosibl y bydd yn rhaid i chi aros am ychydig cyn y gallwch newid o'r cyflenwr newydd y byddwn yn ei benodi i ofalu am eich cyflenwad. Mae hyn hefyd yn wir pan fyddwch yn newid cyflenwyr fel arfer.

Bydd y cyflenwr newydd y byddwn yn ei benodi yn gallu cynghori ymhellach.

Bydd eich cyflenwr newydd yn ad-dalu unrhyw gredyd a all fod gennych.

Ar ôl i ni benodi cyflenwr newydd, bydd yn cysylltu â chi i egluro sut y bydd hyn yn gweithio. Caiff costau am yr ynni a ddefnyddiwyd gennych ond nad ydych wedi cael bil ar ei gyfer eu didynnu o falans eich cyfrif.

Ein cyngor yw y dylech gymryd darlleniad mesurydd a nodi balans y cyfrif, os yw'n hysbys. Yna arhoswch i rywun gysylltu â chi.

Mae hyn yn dibynnu ar yr hyn y mae eich cyflenwr newydd yn cytuno arno â gweinyddwyr eich cyn-gyflenwr.

Bydd angen i chi ad-dalu'r ddyled i'ch cyflenwr newydd os bydd yn trefnu i dderbyn dyledion cwsmeriaid o'ch cyn-gyflenwr. 

Ni fydd angen i chi ad-dalu'r ddyled i'ch cyflenwr newydd os nad yw'n gwneud y trefniant hwn. Fodd bynnag, efallai y bydd yn rhaid i chi barhau i ad-dalu eich cyn-gyflenwr neu ei weinyddwr.

Bydd y cyflenwr newydd yn esbonio sut y bydd pethau'n gweithio ar ôl i ni ei benodi.

Byddwn yn ceisio penodi cyflenwr newydd a fydd yn ad-dalu'r arian sy'n ddyledus ar gyfrifon sydd wedi cau. 

Caiff costau am yr ynni a ddefnyddiwyd gennych ond nad ydych wedi cael bil ar ei gyfer eu didynnu o falans eich cyfrif.

Mae rhwyd ddiogelwch Ofgem yn diogelu cyflenwadau ynni pob cwsmer, a chaiff pob cwsmer ei drosglwyddo i gyflenwr newydd. 

Ni chaiff balansau credyd cwsmeriaid busnes eu diogelu gan y rhwyd honno. Dylai cwsmeriaid busnes gysylltu â gweinyddwr y cwmni i ofyn iddo beth i'w wneud ynghylch eu balansau credyd.

Ceir rhagor o gyngor yn ein canllawiau i ddefnyddwyr busnes.

Bydd eich cyflenwr newydd yn cysylltu â chi'n fuan er mwyn esbonio sut y bydd yn derbyn eich cyfrif. Bydd hyn yn cynnwys unrhyw ddebydau uniongyrchol. Bydd hefyd yn dweud wrthych beth fydd yn digwydd i unrhyw falans credyd gyda'r cyn-gyflenwr.

Gallwch ganslo eich debyd uniongyrchol cyn i'r cyflenwr newydd gysylltu â chi, os hoffech wneud hynny. Byddwch yn gallu trefnu debyd uniongyrchol newydd gyda'r cyflenwr newydd.

Peidiwch â phoeni os ydych eisoes wedi canslo eich debyd uniongyrchol. Arhoswch i'ch cyflenwr newydd gysylltu â chi. Bydd yn eich helpu i drefnu cyfrif newydd.

Bydd hefyd yn dweud wrthych beth fydd yn digwydd i unrhyw falans credyd gyda'r cyn-gyflenwr.

Rydym yn deall y gall hon fod yn adeg sy'n peri pryder i lawer o bobl sy'n wynebu caledi ariannol.

Rydym yn gweithio'n agos gyda chyflenwyr i wneud yn siŵr bod cwsmeriaid yng ‘ngrŵp craidd’ y cynllun (lle rydych yn cael elfen Credyd Gwarant Credyd Pensiwn) yn gallu parhau i gael y gostyngiad yn awtomatig.

Bydd unrhyw gwsmer o'r grŵp ehangach sy'n cael y Gostyngiad Cartrefi Cynnes ac a gaiff ei newid i gyflenwr newydd os bydd ei gyflenwr yn methu yn gallu gwneud cais arall am y gostyngiad.

Unwaith y byddwn wedi penodi cyflenwr newydd, dylech gysylltu ag ef i gael y manylion.

Mae cwsmeriaid sydd â thariff Gwarant Allforio Clyfar (SEG) yn gyfrifol am chwilio am dariff SEG newydd ar gyfer eu trydan a gaiff ei allforio gan Drwyddedai SEG arall. Ni chaiff un ei benodi ar eich cyfer.

Er mwyn i chi allu parhau i gael taliadau SEG, fe'ch cynghorir i weithredu'n brydlon. Mae hyn oherwydd ei bod ond yn ofynnol i Drwyddedai SEG newydd wneud taliadau am drydan a gaiff ei allforio o ddechrau unrhyw gontract SEG newydd.

Os oedd gennych Dariff Cyflenwi Trydan (FIT), ni fydd eich taliadau FIT yn trosglwyddo yn awtomatig.

Ar ôl i ni benodi cyflenwr newydd, bydd yn cysylltu â chi i gadarnhau'r wybodaeth am eich tariff. Rhaid i'r cyflenwr hefyd gadarnhau a yw'n un o drwyddedeion FIT. Mae'n bosibl y bydd angen i chi ddod o hyd i gyflenwr FIT arall er mwyn parhau i gael taliadau os nad yw'r cyflenwr newydd yn un o drwyddedeion FIT.

Rhestr o drwyddedeion y Tariff Cyflenwi Trydan

Codwch y mater eto gyda'r cyflenwr newydd pan fyddwn wedi ei ddewis. Mae hyn yn cynnwys unrhyw gwynion rydych eisoes wedi'u gwneud ynghylch balans eich cyfrif, er enghraifft.

Bydd y cyflenwr newydd yn adolygu'r gŵyn i weld a yw'n berthnasol o hyd gan eich bod wedi trosglwyddo iddo, neu a ellir ei chau.

Dysgwch fwy am sut i wneud cwyn

Gallwch gael gwybod pwy yw eich cyflenwr nwy neu drydan ar fil ynni diweddar.

Os nad oes gennych fil ynni diweddar, darllenwch Canfod eich cyflenwr ynni neu weithredwr rhwydwaith.

Ar gyfer Cyngor ar Bopeth:

• Ffoniwch 0808 223 1133 neu defnyddiwch y cyfleuster gwe-sgwrs. 
• Ar gyfer ffôn testun, deialwch 18001 ac yna rif y llinell gymorth. 

Ar gyfer Advice Direct Scotland:

• Ffoniwch 0808 800 9060, defnyddiwch y cyfleuster gwe-sgwrs neu cysylltwch drwy e-bost.
• Gwybodaeth Iaith Arwyddion Prydain.