Newid tariff neu gyflenwr ynni

Gallech fod wedi cael eich newid ar gam os byddwch yn cael llythyr croeso neu fil ynni terfynol annisgwyl. Prin y bydd hyn yn digwydd. Pan fydd yn digwydd, cysylltwch â'ch cyflenwr i ddweud wrtho. Gall Cyngor ar Bopeth helpu gyda'r hyn y mae angen i chi ei wneud hefyd.

Mae'r rhan fwyaf o brosesau newid yn digwydd yn ddidrafferth. Ond os aiff pethau o chwith, bydd Safonau Gwarantedig Ofgem yn sicrhau y caiff pethau eu hunioni'n gyflym ac y cewch eich digolledu. 

Iawndal

Nid oes angen i chi wneud dim os bydd cyflenwyr yn torri safon ac yn nodi ei fod wedi gwneud hynny. Byddwch yn cael iawndal yn awtomatig. Gallwch gyflwyno hawliad hefyd.

Bydd gan gyflenwyr 10 diwrnod gwaith o'r dyddiad y bydd wedi torri'r safonau i'ch talu chi. Gallent orfod talu £30 pellach os na fyddant yn bodloni'r terfyn amser hwn. Mae Ofgem yn monitro data cyflenwyr i sicrhau eu bod yn gwneud hyn.

Os byddwch o'r farn nad yw problem wedi'i datrys neu nad ydych wedi cael eich digolledu, dylech gysylltu â'ch cyflenwr i ddweud wrtho. Os nad ydych yn fodlon ar ei ymateb, gwnewch gwyn. 

*Yn weithredol o 1 Mai 2019.

Gall cyflenwyr gysylltu â chi ynghylch gwneud taliad iawndal. Dylech bob amser ofyn am ragor o wybodaeth cyn rhoi eich manylion personol. 

Ni fyddwch yn cael iawndal newid cyflenwr os ydych yn gwsmer ynni busnes neu os yw eich cyflenwr wedi mynd i'r wal.  

Gallwch newid o hyd os ydych wedi bod mewn dyled i'ch cyflenwr ers llai na 28 diwrnod. Bydd eich cyn-gyflenwr yn ychwanegu unrhyw symiau sy'n ddyledus at eich bil terfynol.

Bydd angen i chi ad-dalu dyled i ddechrau os oes arian wedi bod yn ddyledus gennych ers mwy na 28 diwrnod. Mae hyn yn wahanol ar gyfer cwsmeriaid mesurydd rhagdalu (gweler isod).

Ni all eich cyflenwr eich atal rhag newid os mai ef sydd ar fai eich bod mewn dyled.

Os byddwch yn cael anawsterau ariannol, darllenwch ein cyngor ar help os na allwch fforddio eich biliau.

Gallwch newid o hyd gyda dyledion o hyd at £500 ar eich bil nwy a £500 ar eich bil trydan.

Bydd y cyflenwr y byddwch yn newid iddo yn cymryd y ddyled a byddwch yn ei ad-dalu ef yn lle hynny. Bydd hyn yn digwydd o dan ‘Brotocol Trosglwyddo Dyledion’. Byddwch yn cytuno ar delerau eich cynllun ad-dalu yn eich contract ag ef. Mae ein rheolau yn ei gwneud yn ofynnol i gynlluniau ad-dalu fod yn realistig ac yn fforddiadwy i chi.

Mae tariffau mesurydd rhagdalu yn ddrutach fel arfer. Efallai y byddwch am holi ynghylch yr opsiynau gwahanol sydd ar gael i chi, yn cynnwys newid i fesurydd safonol. Mae'r rhan fwyaf o gyflenwyr yn cynnig hyn am ddim. 

Os byddwch yn cael anawsterau ariannol, darllenwch ein cyngor ar help os na allwch fforddio eich biliau. 

Gallai ein canllaw ar reolau mesurydd rhagdalu hefyd helpu.

Dylai eich cytundeb rhentu nodi ai chi, eich landlord neu eich asiant gosod tai sy'n gyfrifol am dalu biliau ynni.

Mae'r gyfraith diogelu defnyddwyr yn nodi bod yn rhaid i chi allu dewis eich cyflenwr ynni os mai chi sy'n gyfrifol am dalu biliau ynni.Gallai eich landlord fod yn gyfrifol am dalu biliau ynni os:

• bydd yn talu'r cyflenwr yn uniongyrchol ac yn ail-hawlio’r arian gennych chi fel tenant
• bydd yn cynnwys cost ynni yn eich rhent
• bydd yn cymryd cyfrifoldeb am y cyflenwad ynni rhwng tenantiaethau.
• Hyd yn oed wedyn, ni ddylai eich atal rhag newid mewn modd afresymol. Os bydd yn talu, byddai'n werth i chi ddarllen canllaw Cyngor ar Bopeth ar faint y gall eich landlord ei godi am eich ynni hefyd.

Mae'n bwysig eich bod yn chwilio drwy eich contract rhentu am y canlynol:

cymalau ar gyflenwyr ynni. Weithiau, bydd asiantau gosod yn cynnwys cyflenwyr dewisol mewn ‘cymal cyflenwr diofyn’. Gofynnwch a allwch aildrafod hyn. Os na allwch, gallwch newid cyflenwr o hyd os mai chi sy'n gyfrifol am dalu biliau ynni.

cymalau ar gyfnodau rhybudd a dychwelyd. Gallai'r rhain olygu bod yn rhaid i chi ddweud wrth eich landlord yn gyntaf os byddwch yn bwriadu newid cyflenwr. Efallai hefyd y bydd yn rhaid i chi ddychwelyd i gyflenwr neu fesurydd ynni penodol (os gwnaethoch newid mesurwr) pan ddaw eich tenantiaeth i ben.

Os oes gennych fesurydd rhagdalu

Os ydych wedi symud i eiddo â mesurydd rhagdalu, dywedwch wrth y cyflenwr cyn gynted â phosibl eich bod yn denant newydd. Mae hyn er mwyn sicrhau na chaiff dyled cyn denant ei chynnwys yn eich taliadau mesurydd rhagdalu.

Mae tariffau mesurydd rhagdalu yn costio mwy fel arfer. Efallai y byddwch am holi ynghylch opsiynau gwahanol, yn cynnwys newid i fesurydd deallus neu safonol. Mae'r rhan fwyaf o gyflenwyr yn cynnig gwasanaethau newid mesurydd am ddim.

Os nad ydych yn siŵr am fanylion eich cyflenwad presennol, ewch i Canfod eich cyflenwr ynni neu weithredwr rhwydwaith.

Dylech bob amser ofyn i werthwr ar garreg y drws ddangos ei gerdyn adnabod a gofyn i werthwr sy'n ffonio ddweud o ble mae'n ffonio. Nodwch: 

• ei enw
• i bwy mae'n gweithio
• ei fanylion cyswllt.

Dim ond ar gyfer un cyflenwr ar y tro y mae'r rhan fwyaf o werthwyr yn gwerthu. Felly byddant ond yn gallu cynnig cynigion i chi gan y cyflenwr hwnnw. Fodd bynnag, mae rhai gwefannau newid hefyd yn treialu dulliau gwerthu uniongyrchol a gallant gynnig cynigion i chi gan amrywiaeth o gyflenwyr.

Gall gwerthwyr fod yn ddarbwyllol. Efallai y bydd ganddynt gynnig da. Ond ni ddylent byth geisio eich rhuthro na'ch rhoi dan bwysau i lofnodi contract.Mae gan Ofgem reolau ar gyfer cwmnïau sy'n gwerthu ynni i chi er mwyn sicrhau eu bod yn gwneud hynny'n briodol. Os byddwch yn rhoi gwybodaeth am eich defnydd o ynni i werthwr, rhaid iddo ei defnyddio i gyfrifo eich amcangyfrif a'ch cymhariaeth. 

Yn y rhan fwyaf o amgylchiadau, rhaid i werthwr ddangos i chi sut mae ei gynnig yn cymharu â chynnig eich cyflenwr presennol.

Dylai pob gwerthwr grynhoi pwyntiau pwysig contract. Gofynnwch am gopi o'r telerau ac amodau.

Cymerwch eich amser:

Cadarnhewch y ffeithiau ac ystyriwch y manylion
Trafodwch hyn â rhywun arall (fel teulu neu ffrindiau)
Gofynnwch gwestiynau fel:“Ai dyma'r cynnig gorau i mi yn seiliedig ar fy nefnydd fy hun o ynni?”

“A oes gennyf ddigon o wybodaeth i benderfynu?”

Byddwch yn ymwybodol o ddatganiadau camarweiniol y gall rhai gwerthwyr eu defnyddio. Er enghraifft:
"Rydym wedi cael ein hanfon gan Ofgem i arbed arian i chi.”

"Ni sy'n berchen ar y rhwydwaith dosbarthu ynni lleol, felly ni yw'r cyflenwr rhataf."

Mae gan Ofgem reolau ar gyfer cwmnïau sy'n gwerthu ynni i chi er mwyn sicrhau eu bod yn gwneud hynny'n briodol. Os byddwch yn rhoi gwybodaeth am eich defnydd o ynni i werthwr, rhaid iddo ei defnyddio i gyfrifo eich amcangyfrif a'ch cymhariaeth. 

Yn y rhan fwyaf o amgylchiadau, rhaid i werthwr ddangos i chi sut mae ei gynnig yn cymharu â chynnig eich cyflenwr presennol.

Dylai pob gwerthwr grynhoi pwyntiau pwysig contract. Gofynnwch am gopi o'r telerau ac amodau.

Cymerwch eich amser:

Cadarnhewch y ffeithiau ac ystyriwch y manylion
Trafodwch hyn â rhywun arall (fel teulu neu ffrindiau)
Gofynnwch gwestiynau fel:“Ai dyma'r cynnig gorau i mi yn seiliedig ar fy nefnydd fy hun o ynni?”

“A oes gennyf ddigon o wybodaeth i benderfynu?”

Byddwch yn ymwybodol o ddatganiadau camarweiniol y gall rhai gwerthwyr eu defnyddio. Er enghraifft:
"Rydym wedi cael ein hanfon gan Ofgem i arbed arian i chi.”

"Ni sy'n berchen ar y rhwydwaith dosbarthu ynni lleol, felly ni yw'r cyflenwr rhataf.”

Mae gennych hawl i ganslo o fewn 14 diwrnod i lofnodi contract. Nid oes angen i chi roi rheswm.

Os byddwch o'r farn bod gwerthwr wedi ymddwyn yn amhriodol neu os byddwch yn poeni y gall cynnig ynni fod wedi'i gamwerthu i chi, ffoniwch y cwmni ynni y mae'r gwerthwr yn gweithio iddo.

Os nad ydych yn fodlon ar ei ymateb, gwnewch gwyn. Gall yr Ombwdsmon Ynni gamu i mewn ar ôl 8 wythnos.

Gall Cyngor ar Bopeth hefyd roi cyngor ar 0808 223 1133 neu defnyddiwch ei gyfleuster gwe-sgwrs. Ar gyfer ffôn testun, deialwch 18001 ac yna rhif y llinell gymorth.