Capiau ar brisiau ynni
Y cap ar brisiau ynni yw'r swm uchaf y gall cyflenwyr ynni ei godi arnoch fesul uned o ynni os ydych chi ar dariff amrywiol safonol.
O fis Hydref 2023 ymlaen bydd y cap ar brisiau ynni yn cael ei osod ar £1,923 y flwyddyn ar gyfer cartref nodweddiadol sy'n defnyddio nwy a thrydan ac yn talu drwy Ddebyd Uniongyrchol.
Mae lefel y cap ar brisiau ynni yn seiliedig ar ddefnydd ynni cartref nodweddiadol ac yn adlewyrchu'r gostyngiadau diweddar ym mhrisiau ynni cyfanwerthol. Darllenwch am ddefnydd ynni cartref nodweddiadol a sut y caiff y cap ar bris ei gyfrifo ar ein tudalen Defnydd nwy a thrydan ar gyfartaledd.
Cap ar brisiau ynni ar gyfer defnydd domestig nodweddiadol rhwng mis Gorffennaf a mis Rhagfyr 2023
Bydd y swm rydych yn ei dalu yn dibynnu ar ddefnydd gwirioneddol eich cartref a lle rydych chi'n byw yn ogystal â'r math o fesurydd a'r math o ddull talu. Mae'r ffigurau uchod yn seiliedig ar gyfartaledd pobl o Gymru, yr Alban a Lloegr sy'n talu drwy Ddebyd Uniongyrchol ac sydd ar dariff amrywiol safonol, a elwir hefyd yn dariff diofyn.
Prisiau ar gyfer cwsmeriaid ar dariff amrywiol safonol (tariff diofyn)
Caiff y ffigurau eu talgrynnu i'r geiniog agosaf yn seiliedig ar y cyfartaledd ar gyfer y bobl sy'n talu drwy Ddebyd Uniongyrchol yng Nghymru, Yr Alban a Lloegr. Mae’r rhain yn cynnwys TAW. Bydd yr union gyfraddau yn dibynnu ar lle rydych chi'n byw, sut rydych yn talu eich bil a'r math o fesurydd sydd gennych.
Y cap ar brisiau ynni
Mae'r cap ar brisiau yn sicrhau bod y prisiau i bobl ar dariffau ynni diofyn yn deg a'u bod yn adlewyrchu cost ynni. Rydym yn diweddaru'r lefel bob tri mis, i adlewyrchu newidiadau mewn costau sylfaenol yn ogystal â chwyddiant.
Nid yw'r cap ar brisiau yn cyfyngu ar gyfanswm eich bil, a fydd yn dibynnu ar faint o ynni rydych yn ei ddefnyddio. Bydd y ffordd rydych yn yn talu am eich ynni, lle rydych chi'n byw, y math o fesurydd a'ch defnydd yn effeithio ar eich bil ynni.
Mae Ofgem yn monitro cyflenwyr i sicrhau nad yw eu cyfraddau tariff diofyn yn mynd y tu hwnt i'r uchafswm a osodwyd gan y cap ar brisiau ynni.
Cymhwysedd
Mae'r cap yn cael ei gymhwyso i gwsmeriaid sydd ar dariff ynni diofyn gan gynnwys y rhai sy'n talu drwy ddebyd uniongyrchol, credyd safonol, mesurydd rhagdalu, neu'r rhai sydd â mesurydd Economi 7 (E7).
Cymorth
Os ydych yn poeni am eich gallu i dalu eich bil ynni, cysylltwch â'ch cyflenwr cyn gynted â phosibl. Rydym yn gweithio'n agos gyda chwmnïau ynni i wneud yn siwr eu bod yn eich cefnogi mewn unrhyw ffordd y gallant.
I gael gwybodaeth am gymorth gan gynnwys cynlluniau, grantiau a budd-daliadau, ewch i'n tudalen Cael help os na allwch fforddio eich biliau ynni.