Cael iawndal am broblemau wrth newid cyflenwyr ynni

Oedi wrth newid cyflenwr

Rhaid i'ch cyflenwyr newid eich cyflenwad trydan neu nwy o'ch hen gyflenwr i'ch cyflenwr newydd o fewn 5 diwrnod gwaith. Os na fyddant yn gwneud hynny, rhaid i'ch cyflenwr newydd dalu £30 i chi. Bydd y £30 yn cael eidalu'n awtomatig naill ai i'ch cyfrif ynni neu'ch cyfrif banc.

Os caiff eich cyflenwad ei newid mewn camgymeriad

Gallwch hefyd gael £30 os bydd eich cyflenwad ynni yn cael ei newid mewn camgymeriad. Rhaid i chi gysylltu â'ch hen gyflenwr a rhoi gwybod iddo. Bydd ganddo 21 diwrnod gwaith i'ch newid nôl ar ôl i'r camgymeriad gael ei wneud. Gelwir hyn yn 'drosglwyddiad gwallus' yn ein rheolau y dylai cyflenwyr eu dilyn fel rhan o'u trwydded ynni.

Os bydd hyn yn digwydd bydd eich cyflenwr newydd yn talu £30 i chi'n awtomatig am y camgymeriad . Dylai dalu hwn i chi o fewn 10 diwrnod gwaith o'r dyddiad y bydd yn cytuno bod camgymeriad wedi cael ei wneud. Bydd naill ai'n anfon siec atoch neu'n talu'n uniongyrchol i mewn i'ch cyfrif banc.

Iawndal ychwanegol os bydd oedi wrth newid neu ddatrys camgymeriadau

Mae'n rhaid i gyflenwyr dalu'r iawndal y mae gennych hawl iddo o fewn 10 diwrnod gwaith. Os fydd yn gwneud hyn , bydd yn rhaid iddo dalu £30 ychwanegol i chi. Mae hyn yn rhan o'n 'Safon Perfformiad Gwarantedig y Cyflenwr' . Mae'r safonau hyn yn sicrhau bod y cyflenwyr yn gwneud iawn am bethau a'ch bod chi'n cael eich talu am broblem a oedd yn fai arnyn nhw.

Gallwch hefyd gael iawndal ychwanegol o £30 os bydd y canlynol yn gymwys i chi:

• mae'r cyflenwr yn cymryd mwy na 20 diwrnod gwaith i ymateb i chi ar ôl i chi ddweud wrthyn nhw am y camgymeriad newid
• mae eich hen gyflenwr a'ch cyflenwr newydd yn cymryd mwy na 20 diwrnod gwaith i gytuno p'un a oedd y newid yn gywir ai peidio - bydd y ddau gyflenwr yn talu £30 i chi os bydd hyn yn digwydd
• mae eich hen gyflenwr yn cymryd mwy na 21 diwrnod gwaith i ail-gofrestru eich cyflenwad unwaith y byddant yn gwybod am y camgymeriad

Ni allwch hawlio iawndal os bydd eich cyflenwr yn mynd i'r wal. Darllenwchbeth i'w wneud os bydd eich cyflenwr yn mynd i'r wal.