Cwyno am Ofgem

Mae'r wybodaeth isod yn esbonio sut i roi gwybod i Ofgem os oes gennych gŵyn am y ffordd rydym wedi gwneud rhywbeth neu os ydych yn credu ein bod wedi gwneud rhywbeth o'i le. Mae hefyd yn esbonio sut y byddwn yn delio â'ch cwyn.

Pryd i ddweud wrthym am eich cwyn

Os nad ydych yn fodlon ar y ffordd rydym yn gwneud rhywbeth neu os ydych yn credu ein bod wedi gwneud rhywbeth o'i le, rhowch wybod i ni cyn gynted â phosibl fel y gallwn geisio unioni pethau. Bydd eich adborth yn ein helpu i wella ein gwasanaethau ar gyfer eraill.

Gellir gwneud cwynion am safon y gwasanaeth rydym wedi'i ddarparu, sut rydym wedi perfformio, sut rydym yn gweithredu neu'r ffordd rydym wedi dod i benderfyniad. Ein nod yw datrys cwynion yn brydlon ac efallai y byddwn yn cysylltu â chi i ofyn am ragor o wybodaeth i sicrhau ein bod yn cyfeirio eich cwyn at faes cywir y busnes.

Ein nod yw datrys pob cwyn y tro cyntaf. Fodd bynnag, os nad ydych yn fodlon ar ein hymateb, gallwch ofyn am adolygiad gan uwch-reolwr.

Beth sydd angen i chi ei ddweud wrthym

Rhowch gymaint o wybodaeth â phosibl i ni er mwyn ein helpu i ddeall eich cwyn ac ymchwilio iddi. Amlinellwch:

• Beth sydd o'i le yn eich barn chi
• Pryd ddigwyddodd hyn
• Pwy wnaethoch chi ddelio ag ef
• Sut yr hoffech i ni ddatrys y mater
• Eich manylion cyswllt a ffafrir ar gyfer cysylltu â chi – e-bost, ffôn neu gyfeiriad post.

Beth y byddwn yn ei wneud

Byddwn yn ceisio datrys unrhyw gŵyn yn gyflym ac yn esbonio beth rydym wedi'i wneud a pham. Dyma beth y gallwch ei ddisgwyl pan fyddwch yn gwneud cwyn i ni a'r amserlen sy'n gysylltiedig â hynny.

Mynd â'ch cwyn ymhellach

Mae'r Ombwdsmon Seneddol a Gwasanaeth Iechyd (PHSO) yn gorff annibynnol sy'n gallu camu i mewn os nad ydych yn fodlon ar ein hymateb. Mae ganddo'r pwerau i ymchwilio i gwynion am gyrff cyhoeddus.

I wneud cwyn i'r PHSO, mae'n rhaid i chi ysgrifennu at eich AS yn gyntaf. Gofynnwch iddo/iddi gyfeirio'r gŵyn at yr Ombwdsmon. I ddod o hyd i fanylion cyswllt eich AS, gweler Cysylltu â'ch AS.

 

E-bostiwch ni i wneud cwyn

Ar gyfer cwynion am gynlluniau'r Cymhelliad Gwres Adnewyddadwy, gallwch ddefnyddio'r cyfeiriadau e-bost isod:

• Cymhelliad Gwres Adnewyddadwy Domestig: DRHIResolutions@ofgem.gov.uk 
• Cymhelliad Gwres Adnewyddadwy Annomestig: RHI.Complaint@ofgem.gov.uk

Neu ysgrifennwch at: Ofgem Complaint, Commonwealth House, 32 Albion Street, Glasgow, G1 1LH. 

Peidiwch ag anfon dogfennau gwreiddiol atom drwy'r post, gan na fyddwn yn gallu eu dychwelyd.

Gallwch hefyd ofyn i rywun arall (er enghraifft, perthynas, ffrind neu gynghorydd proffesiynol fel Cyngor ar Bopeth) gwyno ar eich rhan.

Rydym yn deall y gallwch deimlo'n rhwystredig neu wedi cynhyrfu, ond gall ymddygiad afresymol ei gwneud yn anodd i ni eich helpu. Ymhlith yr enghreifftiau mae:

• Gwrthod darparu manylion cwyn
• Gwadu neu newid datganiadau a wnaed yn gynharach
• Defnyddio iaith sarhaus neu fygythiol
• Mynnu cael ymatebion o fewn amserlen afresymol
• Gormod o alwadau ffôn, negeseuon e-bost neu lythyrau manwl ar ôl i'r wybodaeth ddiweddaraf gael ei rhoi
• Newid sylwedd cwyn dro ar ôl tro
• Methu derbyn na allwn gynorthwyo ymhellach
• Ceisiadau am wybodaeth y mae'r cwsmer eisoes wedi'i gweld neu ailagor mater sydd eisoes wedi cael ei ystyried.

Ymateb i ymddygiad afresymol

• Bydd Ofgem yn rhoi gwybod i'r heddlu am ddigwyddiadau difrifol
• Efallai y byddwn yn cysylltu i esbonio'r hyn rydym yn ei ystyried yn afresymol. Lle y bo angen, byddwn yn ysgrifennu at y cwsmer i ddweud pa gamau rydym yn eu cymryd a pham
• Byddwn yn dod â galwadau ffôn i ben os bydd iaith neu ymddygiad yr unigolyn yn annerbyniol. Mae gan bob aelod o staff yr hawl i wneud y penderfyniad hwn
• Caiff galwadau i'n Tîm Ymholiadau eu recordio. Rydym yn cadw unrhyw dystiolaeth o ymddygiad afresymol ar ffeiliau cwsmeriaid.