Gwneud cais am y Cymhelliant Gwres Adnewyddadwy Domestig
Cyn i chi ddechrau
I gwblhau'r ffurflen gais ar gyfer RHI Domestig, bydd angen y canlynol arnoch:
- Eich rhif tystysgrif Microgeneration Certification Scheme (MCS)open key term pop-up
- Eich rhif Energy Performance Certificate (EPC) open key term pop-up
- Eich manylion banc er mwyn i ni allu eich talu. Sicrhewch bod yr enw a'r manylion personol rydych yn eu defnyddio ar gyfer eich cais yr un peth â'r rhai ar gyfer eich cyfrif banc. Os nad ydych yn siwr pa wybodaeth sydd gan y banc ar eich cyfer, gallwch wirio hyn ar wefan Wefan Equifax
- Eich cwestiynau am fesuryddion, os oes angen mesurydd arnoch
Anfonebau neu gofnodion yn nodi cost y system a chostau llafur ar gyfer ei gosod (gall y rhain fod yn amcangyfrifon ac ni fydd yn effeithio ar eich taliadau na'ch cymhwysedd).
Yn dibynnu ar yr amgylchiadau, efallai y bydd angen i ni adolygu eich cais. Gweler y tab 'Ar ôl cyflwyno eich cais' i gael ragor o wybodaeth.
I gael rhagor o help i gwblhau eich cais, gweler ein Taflen Gymorth a’r ffurflen gais.
I gael gwybodaeth lawn am RHI Domestig, gweler ein Canllawiau Hanfodol yn ein Llyfrgell Dogfennau.
Ambell beth i'w nodi
Bydd y ffurflen gais yn gweithio ar gyfer pob dyfais ond rydym yn argymell eich bod yn defnyddio cyfrifiadur (yn hytrach na ffôn clyfar neu dabled) lle y bo'n bosibl.
Gofynnwn i'r ymgeisydd gwblhau'r ffurflen yn bersonol gan fod angen manylion banc a manylion personol. Os yw'n anodd i chi gwblhau'r cais arlein am eich bod yn anabl neu am nad oes gennych fynediad hawdd i gyfrifiadur, cysylltwch â'n canolfan cymorth i ymgeiswyr i gael help. I siarad a aelod o'r tîm drwy gyfrwng y Gymraeg, pwyswch opsiwn 6 pan ffoniwch.
Gweler ein telerau ac amodau llawn yn yr adran Cyhoeddiadau a Diweddariadau isod.
Beth i'w ddisgwl gan eich gosodwr
Gofynnwn i'r ymgeisydd gwblhau'r ffurflen yn bersonol. Fodd bynnag, gall eich gosodwr eich helpu i gasglu llawer o'r wybodaeth sydd ei hangen arnoch i wneud cais a pharhau i gydymffurfio â rheolau'r cynllun.
Dogfennaeth
Dylai eich gosodwr roi'r canlynol i chi:
- tystysgrif MCS (o fewn 10 diwrnod gwaith i'r dyddiad comisiynu)
- tystysgrif cydymffurfiaeth MCS (gyda'r rhif gosodiad MCS arno)
- anfoneb fanwl gyda'r rhannau a'r llafur wedi'u rhestr arni
- Dogfen Cwestiynau am Fesuryddion (ar gyfer biomas neu pympau gwres) neu i Osodwr wedi'i chwblhau (dim ond os oes angen mesurydd ar eich system wresogi). Bydd angen hon arnoch i chi gwblhau'r cwestiynau ar fesuryddion yn y ffurflen gais. Hefyd, ceir dogfen Trefniadau Mesur Amgen, os bydd ei hangen.
- cyngor ar gynnal a chadw'r system wresogi, ei gwasanaethu a'i defnyddio'n effeithlon. Mae hyn am fod angen i chi gadw eich system wresogi mewn cyflwr gweithio da drwy gydol eich saith mlynedd ar y cynllun. Dylent hefyd egluro pa gamau allai annilysu'r warant.
- cyngor ar sut i ddefnyddio a darllen eich mesuryddion (os oes eu hangen arnoch).
Ar ôl cyflwyno eich cais
Ar ôl i chi gyflwyno eich cais, byddwn yn dweud wrthych os cafodd ei dderbyn, ei wrthod neu a yw am gael ei adolygu.
Mae'r siart llif hon yn egluro beth i'w ddisgwyl a phryd.